Қ.Р-сы рәміздерінің 30 жылдығына арналған 5-7 сынып оқушыларының қатысуымен "Мемлекеттік рәміздер- ұлт мақтанышы" атты дөңгелек үстел өтті. Оқушылар ҚР-ның рәміздері туралы білімдерін толықтыра отырып, өздерінің шығармашылықтарын көрсете білді. Өздері шығарған өлеңдерін оқып, суреттер салды. 

7 сыныпта "Қарттарын қадірлеген ел мен білімін дәріптеген ұстаз ардақты" тақырыбында тірбие сағаты өтті. Тәрбие сағатына ардагер ұстаздар шақырылды. Оқушылар сұрақтарын қойып, сұхбаттасты. 

Қазақстан халқы тілдері онкүндігі аясында орыс тілі мен әдебиеті пәні мұғалімі А.К.Абугалиева 7-8 сынып оқушылар арасында "Родной язык - зеркало нации" атты сыныптан тыс іс-шара  өткізді. Оқушылар 5-қыркүйек - Қазақстан халқы тілдері күні туралы мәліметтерді жинақтап, орыс тілінде сөйледі. Орыс тілінде  өлеңдер оқып, әндер орындады. Ойын түрінде өткен бұл шара өте қызықты өтті. Оқушылар белсене қатысты.

9-11 сынып оқушылар арасында тарих пәні мұғалімі Ш.А.Рахметова "Алаш зиялыларының білімге қосқан үлесі" атты конференция сабағын өткізді. жоғарғы сынып оқушылары қазақ зиялылары туралы қосымша мәліметтерді жинақтап, білімдерімен, ақпараттарымен бөлісті. Оқушылар аса белсенділік танытқан бұл іс-шара өте тартымды өтті. 

 " Қазақстан халқы тілдерінің күніне арналған онкүндік" аясында 7 қыркүйек күні "Тіл - рухани асыл мұра" атты көрме ұйымдастырды. Кітапханашы Сәуле Жаңылдыққызы 5-11 сынып оқушыларын жаңа әдеби кітаптармен таныстырды. Кітап оқуға шақырды.

Қазақстан халқы тілдерінің күніне арналған онкүндік аясында  ұлт ұстазы - Ахмет Байтұрсынұлының 150 жылдығына арнап оқушылар арасында үздік қабырға газетінің конкурсы өтті. Сыныптар өздері шығарған газеттерін қорғады. Конкурста  11 сынып оқушылары жеңіске жетті.